Segundo me comunican dende o IEM (Instituto de Estudos Miñoranos) a través de Miguel Anxo Mouriño -do departamento de Lingua e Literatura- esta institución xunto coa Entidade Local de Morgadáns (Gondomar), convocan o VII Certame de Poesía Victoriano Taibo-Entidade Local de Morgadáns.
Este premio está dotado con 3000 €, escultura conmemorativa de Fino Lorenzo e publicación da obra na colección Victoriano Taibo do IEM.
O prazo de presentación de orixinais remata o 31 de xullo de 2014.
Por se alguén está interesado/a, velaquí deixo as bases:
VII
Certame de Poesía
VICTORIANO
TAIBO – ENTIDADE LOCAL DE MORGADÁNS
A
Entidade Local de Morgadáns en colaboración co Instituto de Estudos Miñoranos
convoca o VII Certame de Poesía VICTORIANO TAIBO – ENTIDADE LOCAL DE MORGADÁNS
dotado con TRES MIL (3.000) € que se rexerá polas seguintes
BASES:
1.-
Os traballos presentados deberán ser orixinais e inéditos, de temática libre,
escritos en lingua galega e non poderán ser adaptacións.
2.-
Cada traballo consistirá nun ou varios textos poéticos, cunha extensión non
inferior a 300 versos, que constitúan un conxunto.
3.-
De cada obra presentarase orixinal e catro fotocopias. Os autores ou autoras
concursarán polo sistema de plica. Os traballos faranse chegar por correo ao
seguinte enderezo:
Apartado
30
36380,
Gondomar
(Pontevedra)
4.-
Os traballos presentados conservaranse durante un mes a partir da data de publicación
da resolución do xurado e logo destruiranse os que non fosen solicitados polos
seus autores ou autoras.
5.-
O prazo de admisión de orixinais comezará cando se faga pública esta
convocatoria e rematará o día 31 de xullo de 2014.
6.-
O xurado estará presidido polo Presidente da Entidade Local de Morgadáns, ou
persoa na que delegue, e actuará como secretario o Director do IEM, ou persoa
na que delegue, ambos con voz pero sen voto. Estará constituído, ademais, por
cinco persoas de recoñecido prestixio no ámbito literario.
7.-
A obra premiada será publicada polo IEM na colección Victoriano Taibo e
non xerará dereitos de autor nesta primeira edición.
8.-
O premio outorgado será único e indivisible. O xurado poderá declaralo deserto
se estima que a calidade das obras presentadas así o aconsella.
9.-
Calquera incidencia non prevista nesta convocatoria será resolta polo xurado.
10.-
O feito de participar supón a aceptación destas bases.
.JPG)
.JPG)
