III EDICIÓN DO CONCURSO DE XOVES INTÉRPRETES ANTONIO GRANJA 2016

Juan Ramón foi o presentador deste certame, organizado pola Agrupación Musical do Rosal que preside Iván Diego Martínez

PRESENTADOR DO II CONCURSO VECIÑAL DA TORTILLA DE PATACA (PÍAS-O ROSAL)

Este orixinal e divertido evento sociogastronómico serviu de inauguración dos actos e festexos da tradicional Feira de San Gregorio

REPORTAXE DE FÁUNICAS DO NOSO ENCONTRO COS OSOS EN KODIAK E KATMAI (ALASKA)

Incrible experiencia a vivida nas lonxanas e salvaxes terras de Alaska, fotografiando aos osos pescando en plena e idílica natureza

GUÍA OFICIAL NA VILA DO ROSAL DA EXPERIENCIA ECOTUR DE UNIMINHO

Explicacións da Cultura Cabaqueira no Centro Etnográfico, visita aos muíños do Folón e aos petróglifos de Ghorghalado en Eiras

PRESENTACIÓN DE TODAS AS CATEGORÍAS DO ACANOR ATLÉTICO NOVÁS DE BALONMÁN

O Restaurante Juan (O Rosal) acolleu este acto deportivo no que se presentou un por un a todos os xogadores/as para a tempada 2015-2016

MES DE RODAJE Y VIAJE POR NEW YORK, MONTREAL (CANADÁ) Y ALASKA (ESTADOS UNIDOS)

En la imagen, Juan Ramón desplegando orgulloso la bandera de O Rosal con la Estatua de la Libertad al fondo (Liberty Island-New York)

A II ANDAINA 10K O ROSAL FEIRA DO VIÑO VISITA O TAMUXE E AS ACEÑAS

Os participantes na andaina posando para a posteridade na área recreativa do Muíño das Aceñas (San Miguel de Tabagón)

O ACANOR ATLÉTICO NOVÁS PRESENTOUSE AO GRANDE ANTE A SÚA AFECCIÓN

Na imaxe, presentando ao xogador David Lechuga e ao novo adestrador do primeiro equipo, “Jota”, na balconada do Concello do Rosal

PRESENTACIÓN DA II EDICIÓN DA CARREIRA E ANDAINA 10K O ROSAL FEIRA DO VIÑO, 2015

Con Serafín Martínez Acevedo, coordinador da 10k O Rosal, na presentación da XXIII Feira do Viño do Rosal que tivo lugar na Abadía das Eiras

BORJA OUBIÑA, CAPITÁN DO REAL CLUB CELTA DE VIGO, ANUNCIA A SÚA RETIRADA

Na imaxe, entrevistando a Oubiña para a canle de Miño Films TV, na presentación da pasada edición da carreira e andaina 15k del Atlántico

PRESENTACIÓN DA PLANTILLA DO CLUB CICLISTA O ROSAL PARA A TEMPADA 2015

O evento serviu como homenaxe ao ciclista Raúl Fernández. Na imaxe, co seu compañeiro Toñi Portela, autoridades municipais e plantilla do Club

1ª ANDAINA DE SANTA CRUZ A SAN LOURENZO (A GUARDA- O ROSAL –GOIÁN, TOMIÑO)

Juan Ramón foi o guía do concello do Rosal nesta camiñada organizada polos tres municipios baixomiñotos e que se celebrou o 21 de febreiro

PRESENTADOR-SPEAKER DA CARREIRA E ANDAINA “I SAN SILVESTRE O ROSAL”

Organizada polo Club de Atletismo Manuel Suárez Marquier e o Concello, a San Silvestre reuniu a máis de 300 participantes

A ANDAINA 15K REÚNE A MÁIS DE 150 PERSOAS, PERCORRENDO OIA, O ROSAL E A GUARDA

A segunda edición do evento deportivo-cultural “ 15k del Atlántico” superou os 800 participantes. O atleta Pedro Nimo volveu a vencer na carreira

PRESENTACIÓN OFICIAL DE LA CARRERA Y LA ANDAINA “15K DEL ATLÁNTICO"

En la imagen, intervención de Juan Ramón, junto a los deportistas Serafín Martínez, Borja Oubiña y los alcaldes de O Rosal, A Guarda y Oia.

JUAN RAMÓN E CRISTÓBAL COÍMBRA CREAN A PRODUTORA AUDIOVISUAL “MIÑO FILMS”

Miño Films traballa para particulares, empresas e medios de comunicación, gravando eventos culturais e deportivos, spots publicitarios, festas, etc.

COS DEPORTISTAS ÓSCAR VICENTE E SERAFÍN MARTÍNEZ NA RADIO MUNICIPAL DE TUI

Entrevista na Radio Municipal de Tui como coordinadores da primeira edición do evento deportivo-cultural 10k O Rosal Feira do Viño

ENTREVISTA PARA O PROGRAMA “DESDE GALICIA PARA EL MUNDO” (TVE INTERNACIONAL)

Juan Ramón foi entrevistado para o coñecido programa do Canal Internacional de TVE sobre os 67 Muíños do Folón e do Picón (O Rosal)

REPORTAXE FOTOGRÁFICA DO II RECOÑECEMENTO AO MÉRITO DEPORTIVO, O ROSAL 2014

Na imaxe, Juan Ramón, presentador desta segunda Gala do Deporte 2011-2014, dando a benvida aos homenaxeados/as e público asistente

O ROSAL HOMENAXEA AOS SEUS DEPORTISTAS. II RECOÑECEMENTO AO MÉRITO DEPORTIVO

Este sábado 12 de abril presentará no Auditorio Municipal a gala onde se premiarán aos deportistas máis destacados entre os anos 2011 e 2014

RAÚL FERNÁNDEZ, CAMPIÓN DE ESPAÑA, DISPUTARÁ O MUNDIAL DE CICLOCROSS 2014

Na imaxe, Raúl con Juan Ramón, na recepción oficial que se lle ofreceu no Rosal tras as súas vitorias en Dumbría (A Coruña) e Segorbe (Castellón)

XUNTANZA DOS MEMBROS DO INSTITUTO DE ESTUDIOS TUDENSES NA ÁREA PANORÁMICA

De esquerda a dereita: Rafael Sánchez Bargiela, Marta Cendón Fernández, Silvia González Soutelo, Juan Ramón, Xavier Añoveros Trías de Bes, Ernesto Iglesias Almeida, Antonio Hernández Matías, Jaime Garrido Rodríguez, Clodio González Pérez e Xoán Martínez Tamuxe.

MÁXIMO ESPECTÁCULO E NIVELAZO NO V CAMPIONATO DE FUTBOLÍN OS CABAQUEIROS

De pé: Gera, Dani, Galis, Ángel, Sevi, Gus, Yors, José, Xián, 29, Tuka e Luis. Abaixo: Trinta, Ruth, Pipu, Juan, Frony, Dieguito, Diego e Yeya

PRESENTACIÓN DO EVENTO DEPORTIVO “15K DEL ATLÁNTICO” NO TALASO (MOUGÁS-OIA)

Na Praza do Calvario (O Rosal) con Serafín Martínez Acevedo, exciclista profesional e coordinador desta fermosa carreira pola costa

NORABOA A YOEL, PORTEIRO DO REAL CLUB CELTA DE VIGO (PRIMEIRA DIVISIÓN DE FÚTBOL)

Na imaxe, co cancerbeiro vigués, titular do equipo olívico nesta tempada 2013/2014, nunha recente visita realizada a O Rosal

II CHURRASCOPEN DE FUTBOLÍN O ROSAL 2013. CHURRASCO, FUTBOLÍN E TUTE

Na imaxe, os participantes que disfrutaron desta segunda edición do “Churrascopen”, celebrada no Bar Troya (Marzán-O Rosal)

BEMBRIVE (VIGO) ACOLLEU A II EDICIÓN DE GALICIA AWARDS CACHE 2013

Por segundo ano consecutivo a Organización do evento de Geocaching volveu a elixir a Juan Ramón como presentador da gala de premios

JUAN RAMÓN INTERVIU NO PROGRAMA “DESCUBRINDO O BAIXO MIÑO” DA RMT

Na imaxe, co director da emisora, José Font Moldes e cos seus compañeiros, os historiadores Suso Vila, Xoán M. Tamuxe e Rafael S. Bargiela

O ROSAL ACOLLEU O IV CAMPIONATO DE FUTBOLÍN OS CABAQUEIROS 2012

Na imaxe, os 26 xogadores/as que participaron neste evento do XXV aniversario da Festa na honra dos Mestres telleiros do Baixo Miño

ENTREVISTA A ÓSCAR VICENTE RODRÍGUEZ, CAMPIÓN DE ESPAÑA DE TRIATLÓN 2012

Na imaxe, co triatleta rosaleiro, que foi recibido no Concello polo Alcalde, a tenente de Alcalde e a concelleira de Cultura

JUAN RAMÓN FOI O PRESENTADOR DA I EDICIÓN DE GALICIAN AWARDS CACHE 2012

Na imaxe, en Bembrive (Vigo), geocachers, participantes e organizadores desta entrega de premios aos mellores tesouros (cachés) de Galicia

O EQUIPO FORNELOS/CRUCES, CAMPIÓN DO III OPEN DE FUTBOLÍN O ROSAL 2012. BAR TROYA

Sergio Diego Fernández (Frony) e Carlos Álvarez Antúnez (Sevi) foron os vencedores deste torneo no que participaron 32 xogadores/as

NO XXXIII FESTIVAL DE PARDIÑAS (GUITIRIZ) E NAS XCIX FESTAS DO MONTE (A GUARDA)

Na imaxe, comezando a romaría ao Monte Santa Trega con Olalla, Luis, Pedro e Juan, tras asistir á VI Festa do Percebe de Viladesuso (Oia)

JUAN RAMÓN PARTICIPOU NA HOMENAXE DO ROSAL A FLORINDO ÁLVAREZ MARTÍNEZ

Na imaxe, recitando “Sueño poético de mi Marzán” da autoría de Florindo Álvarez Martínez, coñecido popularmente como Floro de Pancenteo

AGRADECEMENTO Á COMUNIDADE DE MONTES DE SANTA MARIÑA DE BAÍÑA

Este sábado 2 de xuño fomos convidados a unha xuntanza-sardiñada no Centro Social e Cultural de Santa Mariña de Baíña (Baiona)

VILAMEÁN ACOLLEU A PRESENTACIÓN DO LIBRO SOBRE OS MUÍÑOS DO PORTO

Na imaxe, os autores con Celso Fernández, presidente da Comunidade de Montes e con Rosa Dopazo, alcaldesa pedánea

JUAN RAMÓN PRESENTOU O I RECOÑECEMENTO AO MÉRITO DEPORTIVO DO ROSAL

O acto celebrouse o 20 de febreiro de 2011 no Auditorio Municipal, homenaxeando a deportistas e clubs da vila

TAMUXE E JUAN RAMÓN PRESENTAN O LIBRO SOBRE OS MUÍÑOS DO FOLÓN E PICÓN

Os autores estiveron acompañados polo presidente da Deputación de Pontevedra, Rafael Louzán e o Alcalde do Rosal, Jesús Mª Portela

PRESENTACIÓN DO LIBRO SOBRE A MADANELA (BURGUEIRA E BARRANTES)

Na imaxe, o presidente e o secretario da Comunidade de Montes de Barrantes, cos autores

DENDE 2005 VEN REALIZANDO RUTAS GUIADAS POLOS MUÍÑOS DO FOLÓN E DO PICÓN

Na imaxe, coas alumnas da Escola Superior de Turismo Welton, de Vigo, ao pé da carreira de Martín, no sector medio dos muíños do Folón

JUAN RAMÓN, UN DOS REPRESENTANTES DO CONCELLO DO ROSAL NA XXX EDICIÓN DE FITUR

Na imaxe, en Madrid, na Feria Internacional de Turismo, coa actriz galega María Castro, unha das “madriñas” do Camiño Portugués pola Costa

EN 2009 CREA O I CAMPIONATO DE FUTBOLÍN NA HONRA DOS MESTRES CABAQUEIROS

Na imaxe, xogadores, colaboradores e telleiros pousando durante a entrega de premios na Festa do Cabaqueiro 2010

JUAN RAMÓN É O GUÍA DAS ANDAINAS CULTURAIS “O ROSAL. COÑECE O TEU CONCELLO”

Na imaxe, os participantes da andaina eclesiástica de abril do pasado ano, diante da capela de San Vicente (Marzán)

martes, 1 de noviembre de 2016

Nova web persoal: www.juanramonorosal.com


Boas a todos/as! Que tal!

Comunícovos que dende o pasado mes de setembro de 2016 xa conto con nova páxina web persoal

A partir de agora podédesme seguir en www.juanramonorosal.com


Como lembro dende o artigo de benvida da web "seguirei dende este espazo na Rede contándovos algunhas das miñas aventuras polo mundo adiante e, por suposto, a de moitos amigos e coñecidos -verdadeiros cracks-, que triúnfan nas súas respectivas facetas, xa culturais, xa deportivas". 

¡Graciñas pola vosa atención. Recibide unha forte aperta!

martes, 14 de junio de 2016

Helena Villar Janeiro, homenaxeada pola AELG

Helena Villar Janeiro. (Foto: Eduardo Castro Bal)

Segundo me veñen de comunicar dende a Asociación de Escritores/as en Lingua Galega (AELG), a compañeira Helena Villar Janeiro será a "Escritora na súa Terra" homenaxeada nesta XXII edición. 

Trátase dunha "celebración múltiple e popular na que se vén recoñecendo a entidade literaria de insignes figuras das nosas letras, a través dunha serie de eventos como a entrega do galardón Letra E de escritor/a (unha peza escultórica de Caxigueiro), a plantación dunha árbore simbólica (un loureiro elixido pola propia autora) e a colocación dun monólito conmemorativo".

Os actos terán lugar o sábado 25 de xuño no concello de Rianxo (A Coruña).

jueves, 28 de abril de 2016

Moita arte no III Concurso Antonio Granja 2016


Reportaxe fotográfica: Xesús González (Suso).

O pasado domingo 24 de abril tiven o pracer de presentar no Auditorio Municipal do Rosal a III edición do Concurso de Xoves Intérpretes "Antonio Granja", que, en verdade, amosou arte polos catro costados. 



O certame, organizado pola Agrupación Musical do Rosal que dirixe José Javier Bascoy e preside Iván Diego Martínez, coincidindo co seu 30º Aniversario, estivo aberto por vez primeira -na categoría de máis idade (17 a 23 anos)- a participantes de calquera procedencia. 


clarinetista vigués Xosé Antón Comesaña foi o gañador desa categoría, conseguindo Juan José López o 2º premio e Sara Pumar, o 3º.


O concurso, dende os seus inicios, "fai homenaxe co seu nome a un dos socios fundadores e principais precursores deste colectivo musical do Baixo Miño".

Actuación do grupo Kla-Son da Agrupación Musical do Rosal

Aparte da contía dos premios (500, 300 e 200 euros), o gañador do Concurso terá nun futuro "a oportunidade de actuar como solista coa Banda da Agrupación". 


Finalmente, e tras unha difícil deliberación debido ao alto nivel de tódolos finalistas, "o xurado decidiu conceder os tres primeiros postos aos xoves músicos arriba mencionados, todos eles da especialidade de clarinete. Na xornada do sábado, os gañadores foron Laura Riveiro Amorín e David Rodríguez Castro (categorías A e B respectivamente), onde tamén obtiveron unha mención especial María Pereira e Uxía Aldea".

jueves, 7 de abril de 2016

Visitas guiadas por Vigo da man de escritoras/es


Segundo comunica a AELG, abriuse o prazo de inscrición para o primeiro dos Paseos polo Vigo Literario. Primavera 2016.

Vigo literario. Primavera 2016, iniciativa da Asociación de Escritoras e Escritores en Lingua Galega co apoio e colaboración da Concellaría de Normalización Lingüística do Concello de Vigo, son visitas guiadas por Vigo da man das escritoras e escritores que escribiron obras ambientadas na cidade.

A inscrición é independente para cada un dos paseos, sempre a partir das 10.00 do día que se detalla en cada paseo, no correo electrónico actividades.snl@vigo.org 

Hai un total de 50 prazas por paseo. Estes serán os seguintes sábados, de 11.30 a 13.00 horas:

Fran P. Lorenzo– 9 de abril
Rexina Vega– 16 de abril.

lunes, 14 de marzo de 2016

Este blog vén de ilustrar unha reportaxe da TVG



Este sábado 12 de marzo, a Televisión de Galicia (TVG) vén de ilustrar a reportaxe sobre o piloto rosaleiro Gabriel Marcelli Carballido, cunha captura de pantalla deste blog (sobre o min. 2:30), con motivo da "reaparición" do noso campión hai uns meses, logo do seu grave accidente.

O título da entrevista: "Gabriel Marcelli, camiño á cima".

Podedes ver aquí este especial sobre Gabriel Marcelli, seis veces campión de Galicia e tetracampión de España de trial.

miércoles, 2 de marzo de 2016

Coñecer Galicia: Os Muíños do Folón e Picón


Esta foi a miña intervención no programa "Coñecer Galicia" que se emitiu o sábado 27 de febreiro en directo na Radio Galega. Nesta ocasión falei coa condutora Isabel Freire dos Muíños do Folón e do Picón, un dos "buques insignia" culturais e turísticos do Concello do Rosal.



Aínda que notaredes que andaba un pouco "apurado", xa que xustamente cadrou que durante a entrevista estaba en plena ruta polos montes de Oia e O Rosal, intentei deixar claro que tanto O Rosal como o Baixo Miño son un auténtico paraíso. 

Dende aquí, agradecer á Radio Galega a súa preocupación e interese polo noso fermoso e histórico enclave dos 67 muíños do Folón e Picón. 

viernes, 26 de febrero de 2016

Entrevista na Radio Galega sobre o Folón-Picón

Isabel Freire. (Foto: CRTVG)

Moi boas!

Que tal. Segundo me veñen de comunicar, mañá sábado 27 de febreiro, sobre as 12:15 horas, entrevistaranme en directo na Radio Galega (91.0 FM), no programa "Coñecer Galicia*" que conduce a xornalista Isabel Freire.

O tema, a ruta e historia do conxunto etnográfico dos 67 muíños do Folón e do Picón (O Rosal-Pontevedra).



*Coñecer Galicia é un programa de viaxes, áxil e entretido que se desenvolve nos ámbitos do ocio, as aventuras e, sobre todo, das culturas do mundo. É conducido por Isabel Freire e transcorre en dous tempos:

1) Os venres faranse propostas para percorrer Galicia na fin de semana: rotas de balnearios, do románico, de sendeirismo, lagos, etc. O programa incluirá tamén entrevistas, documentación escrita, textos literarios e música.

2) Os sábados ampliarase a proposta a unha viaxe máis afastada. Un personaxe de actualidade será quen conte a súa experiencia persoal nun destino elixido por el e, a partir de aí, Coñecer Galicia recreará ese lugar con documentación, fragmentos de película, textos literarios e música do lugar. 

jueves, 25 de febrero de 2016

II Concurso Veciñal da Tortilla de Pataca en Pías

Un momento da I edición do Concurso, o pasado ano. Fotos: Infomiño

Novamente é un pracer comunicarvos que a Comisión de Festas da Feira de San Gregorio (Pías-O Rosal) conta comigo por segundo ano consecutivo para presentar o "II Concurso Veciñal da Tortilla de Pataca 2016".


Este "singular e divertido evento gastronómico" dará comezo o vindeiro sábado 12 de marzo a partir das 17:00 horas

Haberá dúas modalidades: tradicional e innovación, sendo a inscrición para o concurso libre e gratuíta.



Dende aquí anímovos a participar da Feira e achegarvos ata a carpa que estará instalada fronte á cantina da Comisión, no lugar da Estrada, en San Gregorio (Pías-O Rosal).

Muchas felicidades a Bluscus-Turismo Marinero

Explicaciones en el sector superior de Folón durante el evento Del Mar a la Tierra. Foto: Bluscus

Buenas a todos/as!

Qué tal!

Esta pequeña entrada en mi blog se la quiero dedicar a todo el equipo de Bluscus-Turismo Marinero y en especial a su coordinador, Pablo Mariño, ya que este 21 de febrero la agencia cumplía su primer aniversario desde que en 2015 "salió a navegar. Un día muy especial y que recordamos con mucho cariño. Rodeado de buenos amigos y de grandes profesionales de este sector, en el que intentamos que el turista o viajero se lleve parte de la esencia de Galicia, la más marinera".

Tengo que agradecer la mención hacia mi persona que hacen en el artículo conmemorativo publicado en su web, con respecto al evento Del Mar a la Tierra que se celebró en O Rosal en mayo del pasado año: "[...] Molinos do Folón. Como nosotros somos muy de mar, queríamos combinar sus vinos con el entorno y con sabores del atlántico, también muy cerca de aquí.

Con todo esto en la cabeza y después de algunas reuniones la jornada estaba clara: visita a los Molinos y los sabores del mar maridados con sus vinos. Los sabores del mar y de la tierra.

Para la ruta no podíamos contar con otra colaboración que no fuese Juan Ramón, escritor, presentador, guía cultural pero sobre todo amante y divulgador de la zona. Nos explicó con sumo interés la historia y costumbres de esta zona. Nos transmitió a todos los asistentes, todo el valor de este patrimonio y su importancia para la zona. Uno de los rincones más bonitos de Galicia, que precisamente la Guía Repsol publicó en sus recomendaciones. Desde lo alto pudimos observar la desembocadura y el cruce de caminos entre el mar y el río. [...]"

¡Enhorabuena, muchas felicidades, larga vida a Bluscus y hasta la próxima!

lunes, 22 de febrero de 2016

Vitoria de Marcelli antes de asaltar Mallorca

Adestrando en O Rosal. Foto: Gabriel Marcelli / facebook

O piloto rosaleiro, Gabriel Marcelli Carballido vén de gañar, onte 21 de febreiro, o XVI Trial Concello de Entrimo, primeira proba do Campionato Galego de Trial 2016.

O noso veciño declaraba hai unhas horas que se atopa "moi contento co resultado, unha carreira para seguir aprendendo sobre a Montesa, cada día mellor".

Toda a información desta proba e do primeiro Torneo Galego de Trial na páxina da Federación Galega de Motociclismo

Foto: Federación Galega de Motociclismo

A vindeira cita para Marcelli será este domingo 28 de febreiro na localidade balear de Sant Joan (Mallorca), onde disputará a segunda proba do SPEA RFME Campionato de España de Trial 2016.

jueves, 18 de febrero de 2016

Catro rosaleiros, a polo ascenso a 2ª co Torroña



Boas a todos/as!

Que tal! Comparto con vós esta reportaxe publicada onte, mércores 17 de febreiro, no suplemento "Campeones" da edición impresa do xornal Faro de Vigo, onde son protagonistas varios rosaleiros.

Co título Tradición y calidad. El Torroña busca el ascenso a Segunda División faise un resumo das dúas décadas de existencia e "actividad constante" do equipo de veteranos oiense Embutidos Torroña.


Na actualidade o Torroña vai 3º na clasificación con 45 puntos, a tan só 1 do segundo clasificado. Despois de 22 partidos xogados, 13 vitorias, 6 empates e 4 derrotas, segundo Faro de Vigo, el Embutidos "ha presentado su candidatura". 


Dende aquí felicitar a todo o equipo (con xogadores de Torroña, Goián, Ramallosa, Vilariño, Baiona, etc) e en especial aos rosaleiros Pablo e Roberto (3º e 2º arriba, na imaxe, comezando pola dereita), a Miguel (agachado, 1º pola dereita) e a Dani, que non está na fotografía.

¡Graciñas a Rober pola información. A darlle caña e moita sorte, rapaces!

Obradoiro de creación literaria, por Carlos Negro


Escola de Escritores-as da AELG presenta un Obradoiro de creación literaria, nesta ocasión impartido polo escritor Carlos Negro e con Baldo Ramos como autor convidado.

Este obradoiro é posíbel grazas ao patrocinio do Concello de Pontevedra e a colaboración do Pazo da Cultura.

Comezará o 27 de febreiro e terá unha duración de doce semanas, con cadansúa sesión de dúas horas.

Está aberto o proceso de inscrición para as 25 prazas, gratuítas, para maiores de 16 anos, que se adxudicarán por orde de solicitude (inscricions@pontevedra.eu)


O poema é un animal escondido


Se queres escribir, desanda o camiño.

Abre os ollos, as orellas, as portas da casa.

Escoita o inaudible.

Achégate como quen pasa a man polo lombo dunha besta salvaxe.

Estou dentro de ti.

Eu son o poema.